Olta Boka Komentohet keq nga Anglezet

nga **Tini** prej Sun May 25, 2008 12:39 pm

New Page 1 Ka zgjedhur programin e Rudian Magjistarit “Te kam zemër” për të promovuar klipin e këngës “Zemrën e lamë peng”. Ndërkohë që i ka rënë për hise të përballet me kontestime pa fund. Për momentin, ajo së bashku me autorët e këngës, i kanë lënë sherret mbrapa krahëve dhe kanë nxituar të riorkesterojnë këngën në një studio prestigjioze në Itali. “Jemi munduar që të përcjellim dhe të përmbushim qëllimin që ka kënga, ashtu siç kemi pasur dhe ne qëllimin për ta realizuar këtë videoklip”, tregon Boka. Ndërsa xhirimet e klipit janë bërë në Shqipëri. Ka disa ditë që kënga së bashku me videon është dorëzuar pranë organizatorëve të kësaj gare të këngës në Beograd.
“Me sa di videoklipi është bërë për një kohë të shkurtër se duhej të dorëzohej në Beograd, kështu që sipas informatave që unë kam janë dorëzuar të gjitha materialet”, shprehet Olta. Ndërkohë komentet e para disa muajsh në Tiranë nuk janë asgjë po të shohësh komentet e fundit që janë bërë nga dashamirës dhe fansa të Eurosong për këngën e Bokës. Një britanik shkruan se ajo këngë me titull “Zemrën e lamë peng”, në fakt ka kuptimin “Zemrën e lamë në bixhoz” dhe mënyra se si këngëtarja këndon duket si një version monstruoz i Celin Dion e pushtuar nga shpirtrat e këqinj. Komentet shkojnë më tej në ekstremin më të keq, duke thënë se sa herë këndohet kjo këngë me siguri një shqiptar shkon në vetëvrasje... Gjithsesi ky është një mendim individual dhe ne shpresojmë që Olta jonë do të pritet ngrohtë në Beograd. Viztën e parë në Beograd do ta ketë në 12 maj dhe Olta këto kohë po përgatitet moralisht, duke shpresuar se natën e ngjitjes në skenën e madhe në Serbi do të ketë pranë Zotin. Këto kohë mundohet të ndjekë shkollën, të bëjë jetën si përherë, pavarësisht se për të kanë ndryshuar pak gjëra. Teksa klikon në internet sheh foto e komente për të, që më parë nuk kanë qenë, në shtëpi mban një trofe të rëndësishëm, dhe tani është një vajzë që po shkon në Eurovision me një mision të rëndësishëm: të përfaqësojë artin shqiptar.

nga **Tini** prej Sun May 25, 2008 12:40 pm

Përfaqësuesja e Shqipërisë në Eurovision, Olta Boka

Përfaqësuesja e
Shqipërisë, Olta Boka, sonte do të jetë në konkurrencë, në natën e dytë
të Festivalit Evropian të Këngës “Eurosong”, që mbahet në Beograd.

Olta do të këndoj këngën “Zemrën lamë peng”, dhe sipas listës zyrtare do të këndoj e gjashtë me radhë.

Nga ana tjetër ekspertët e muzikës thonë se rezultatet finale të kësaj
gjysmëfinale janë shumë të vështira për t’u parashikuar, çka i bënë ata
të flitet për surpriza interesante në natën e fundit të festivalit.

Kjo është hera e parë që janë mbajtur dy gjysmëfinale të Eurovizionit,
për të vendosur se cilat do të jenë 25 këngët e shteteve që do të
konkurrojnë për në natën finale.

nga JaKova prej Sun May 25, 2008 12:43 pm

Shqipëria ka hyrë në natën finale në konkursin e këngës “Eurovizion 2008”. Kenga e kënduar në shqip nga Olta Boka tashmë renditet në këngët më të mira të Eurovizionit duke i dhënë një mundësi për të konkuruar në natën ku pritet të dalë edhe fituesi i këngës më të mirë europiane.

BEOGRAD - Shqipëria ka hyrë në natën finale në konkursin e këngës “Eurovizion”. Vetëm pak minuta më parë është përmendur emri i Shqipërisë si vendi i cili do të konkurojë në natën finale me këngën “Zemrën lamë peng”. Kenga e kënduar në shqip nga Olta Boka tashmë renditet në këngët më të mira të Eurovizionit duke i dhënë një mundësi për të konkuruar në natën e tretë dhe finale në të cilën pritet të dalë edhe fituesi i “Eurovizion 2008”. Kënga e kënduar tërësisht në gjuhën shqipe duket se ka ngjallur emocion tek publiku i gjerë evropian duke i dhënë mundësi Shqipërisë të jetë protagoniste e emocioneve të natës finale

“Eurovizion”, Shqipëria këndon shqip në Beograd, priten votimet për në finale

E veshur me kostum të zi me dekor kombëtar Olta Boka ka kënduar shqip në sallën e "Eurovizionit" në Beograd. E shoqëruar nga banda muzikore, Olta Boka ka përballuar konkurimin dhe ka ngjallur emocione në "Eurovizion" duke gjetur mbështetjen e shumë shqiptarëve dhe spektatorëve të huaj. Shqipëria e përfaqësuar me këngën “Zemrën lamë peng” ka kënduar e gjashta në rradhë, pas Lituanisë.
Kjo është hera e parë që një këngë shqiptare këndohet tërësisht në gjuhën shqipe.
Në videoklipin prezantues të Shqiperisë një grup balerinësh të veshur me kostum të kuq kanë kërcyer mbi tapetin me shqiponjën e flamurit tingujt tradicionalë të valleve shqiptare. Në përfundim të këngës Boka ka përshëndetur publikun në shqip dhe në anglisht. “Faleminderit” dhe “Thank you very much” kanë qënë fjalët e këngëtares drejtuar publikut në sallë pas përfundimit të këngës. Gjithashtu në sallën e “Eurovizionit” janë dalluar flamuj shqiptarë të cilët mbështesnin këngëtaren Olta Boka. Pas përfundimit të natës së dytë gjysmëfinale priten të nxirren edhe rezultatet e votimit.

Olta Boka Komentohet keq nga Anglezet

Olta Boka Komentohet keq nga Anglezet

Re: Olta Boka Komentohet keq nga Anglezet

Eurovizion 2008, Shqipëria hyn në natën finale